نصائح وارشادات في استخدام بريد الجوجل

صفحة الكاتب رامي

هذه الـTRICK بـ2018 أطلقته كَوكل اعتقد اغلب الهنا ميعرفوا.

لنفرض هسه انت ايميلك هذه على كَوكَل ( Example@Gmail.com ) هسه اني اريد ارسلك ايميل بلغلط قبل ال@ باي مكان من ايميلك كتبت الدوت (.) بالغلط مثل E.xample@Gmail.com لا تخاف رح يوصلك الايميل الك باي مكان تخلي (النقطة) باليوزرنيم مالتك الاصلي رح يظل الاستلام الك انت مثل من تشتري دومين خاص بيك وتسوي Forward لكل الدومين لحساب واحد هذني نفس شي فقط بالدوت يشتغل

يعني اني مثلا Rami@gmail.com رح اكدر اسجل بالعروض المجانية تطلب ايميل 7 مرات بهذه الايميلات دون ان الجئ لFree temp mail مثل:

R.AMI@gmail.com

RA.MI@gmail.com

R.A.MI@gmail.com

RAM.I@gmail.com

R.AM.I@gmail.com

RA.M.I@gmail.com

R.A.M.I@gmail.com

كل هذه الايميلات رح تحول رسالة لحسابي الاصلي Rami@gmail.com اما شون تستخدم هذه الميزة لحماية خصوصيتك ؟ بكل بساطة لما توزع ايميلك الشخصي لاحد خلي لكل مجموعة شكل حتى تعرف منو سرب ايميل مالتك

مثلاً فلان شركة طلبتك ايميلك تنطيهم بهالشكل E.xample@gmail.com

رجعت شركة ثانية طلبت ايميلك تنطيهم بهالشكل Ex.ample@gmail.com

سجلت ب ايفنت وطلبو ايميلك تنطيهم بهالشكل E.x.a.m.p.l.e@gmail.com

وهكذا الخ..

لما ايميلك يتسرب او اذا الجهة انطيتهم ايميلك باعوا بياناتك ويبدون يدزولك اعلانات تشوف الايميل المستلم اللي دزولة هالبريد وتحول لمالتك الاصلي منو ؟ الشكل الاول لو ثاني لو ثالث وبهالحالة تعرف منو سرب ايميلك الشخصي خصوصاً اذا موقع عربي ميحترم خصوصية مستخدم رح تكَدر تكشفه.. نفس شي ويه مواقع تسجل بيها الخ… بالاضافة لما تشير ايميلك بالعالم خلي همين مختلف بكل مرة تشيره حتى بوتات اللي تجمع ايميلات عالانترنت متكدر تكشف/تطابق معلوماتك في حال سجلت بموقع وتم تسريب بياناتك

زين خلي احجيلكم على TRICK ثاني لمستخدمي ايميلات شركة YANDEX.COM

اذا انت مستخدم Mail.Yandex صح مارح يكون عندك ميزة الDot مال جيميل الفوكَ لكن رح تكَدر تستلم ايميل من خلال اكثر من 100 دومين لشركة انديكس موزع على العالم الشركة مخصصتها لكل دولة تستهدفها اني كَدرت اعرف فقط 13 واحد شركة موزعه كل دومين على سيرفر شكل يعني صعب واحد يعرف من الDNS لكن جربت مجموعة اكستينشنات بشكل عشوائي وطلعن الي هذني شغالات فيسبوك تسجيل الدخول

ya.ru

yandex.by

yandex.co.il

yandex.com

yandex.com.tr

yandex.kg

yandex.kz

yandex.lt

yandex.md

yandex.ru

yandex.tm

yandex.ua

yandex.uz

يعني هسه ايميلك Example@yandex.com العادي تكَدر تبدل الYandex.com بواحد من الدومينات الفوك وتنطي لاي شخص يرسلك ايميل او تسجل بخدمة ورح يوصلك المسجات على نفس الايميل الرئيسي yandex.com اني متاكد همه مسوين لكل اكستينشن ccTLD (نطاق دولة من حرفين) هالشي لكن ماجربت اذا ناوي تجرب وتعرف ان هذه الدومين يشتغل على الMail forwarding لو لا شلون مستقبلاً ؟ تجي تفتح ايميل ثاني ب yandex وتختار ارسال رسالة لما تكتب الايميلات تلقائياً Yandex رح يخلي avatar للايميلات بيها forwarding نفس الصورة اللي خالها بايميلك الرئيسي واللي مابيهن Forwarding رح تظهر بدون صورة فقط اول حرف.

اني استخدم YA.RU لما احد يطلب ايميل عسريع للتواصل خاص فقط ( وليس بالمواقع ) لان سهل كلش للمقابلي حتى يحفظه وفيكة مثل Example@ya.ru تكَدر تستخدمه لما احد يطلب ايميلك عسريع وتستخدم البقية مثل مكَلنا سابقاً كل ايميل لجهة معينة حتى تكشف السبام او الداتابريج اذا صار عليك بكل سهولة.

أيضا باستخدام متصفحات الانترنت تكَدر تدخل لأيميلك من خلال رابط الدومين Mail.Yandex ورح يحولك بشكل تلقائي للتطبيق او ايميل مناسب وهذه الاكستينشنات جزء كبير من مستخدمين الشركة هذه #مايعرفوها لان مارح تظهر لاي مستخدم الا اللي داخل #روسيا ويفتح اعدادات حسابه باستخدام yandex.ru لكن ك مفعول هي تشتغل مسموح بيها على كل يوزرية بالعالم لذلك تعتبر Trick غير معلن عنه مثل مال كَوكَل.

زين خلي نحجي على انواع الايميلات ضروري لازم تعرفوها كمعلومات.

اكو نوعين من الايميلات تجذر الى افرع ومميزات كثيرة

◄ الاولى: Free Email اللي هو جيميل او هوتميل وغيرها (ينشمل وياه الـPEM – Private Electronic mail مثل بروتون ميل)

كل الايميلات المشهورة يسموها Free Emails وهذه النوع من الايميلات المجانية هي غير محببة من قبل الشركات والبزنز B2B لكن لسوء الحظ وزاراتنا وشركاتنا العراقية التعبانة تستخدم البريد المجاني لعدم البحث وايجاد او الصرف على الميل بروفايدرز.. لكن لازم تعرف ان اذا فديوم قدمت على بزنز او شغل وكلولك بالتسجيل او استمارة ( Free Emails Not accepted ) معناه دربالك تسجل ب ايميل مجاني مثل جيميل وياهو والبقية لانه مرفوض لازم تشترك بالنوع الثاني اللي حشرحه هسه..

‌◄ الثانية: هي الـPrivate Emails وهذه رح اشرح بيها نوعين فقط من بينهن حتى ليطول بوست

اول شي هو اخذ دومين خاص بيك وربط ميل بروفايدر على الدومين يعني موقع الكتروني وتستخدمه ل ايميلات وهنا لازم تعرف ان الدومين بتركيا معروف ان السبام بيه قليل ومسموح لجهات محددة بس وبيه معاملة دوخة في سبيل التقليل من حالات نصب واحتيال لكن عدهم شغلة حلوة مسموح للعوائل الكبيرة ان تاخذ دومينات نطاقات تركية باسم العائلة مثلاً مثلاً تكَدر تقدم باسم العائلة مالتك على دومين .com.tr مقابل تحصل عليه بمبلغ بسيط جداً تقريباً 2$ بالسنة وتربطه على Mail Provider وتنطي ايميلات للعائلة استخدام هذه الشي يسمح بالخصوصية الكاملة والحماية من فقدان البريد لان المالك لهذه البريد هي نفس العائلة.

النوع الثاني هو للبزنزجية الثكَال او الناس اللي ترفض مشاركة مستمسكاتها اونلاين او ويه اي شخص اخر ورجال الاعمال والناس تهتم بلبرايفسي مالتها مسموح الهم بالحصول على شيء اسمه Registered electronic mail (REM) او بالتركي Kayıtlı Elektronik Posta Adresi (KEP) هذه النوع من الايميلات هو الاقرب لامتيازات البريد الالكتروني الحكومي GOV من نواحي بسيطة اللي يكَدر المواطن يحصل عليه بدون ان يكون موظف حكومي واللي يكَدر من خلاله يتعامل مع بنكه بالاوراق الرسمية والعقود بعلم البنك دون مراجعتها او تسليمها..

زين شون يحصلها ؟ ببساطة هذه الايميل تاخذه من البنك مالتك اذا كان يدعم الخدمة مثل ما الطالب ياخذ ايميل الطالب EDU.IQ من جامعته او مدرسته انت تاخذ هذه الايميل من البنك الخاص بيك يحمل اسمك ولقبك وكافة معلوماتك بالاضافة الى انه داخل بشبكات الKYC (Know your customer) يعني الايميل هذه وين متسجل بيه بداخل نتورك الKYC رح يتم تاكيد حسابك مباشرتاً لان بنك مالتك مشارك مستمسكاتك بشكل امن مسبقاً مع الجهة المعنية ضمن شبكة.. الموضوع يعتمد على النتورك داخل بيه البنك تماما نفس بطاقتك لما تنقبل بموقع وماتنقبل بثاني لانها ماداخله بنفسك نتورك بنوك او شركة وسيطة متعاملة ايميلك نفس الشي بعد ما تاخذة غالباً مارح تحتاج ترسل اي identity خاصة بيك لتحقيق من هويتك ولما تسجل بموقع رح يتم قبولك او تجاوز verification بشكل الي كون اللي مسجل بالايميل مسبقاً بياناته مسجل بشركة KYC

ومسبقا احنا مسوين موضوع عن شركات الKYC الاشهر والارخص لموقعك يعني اليوم انت اذا ابو بزنز وموقع بسهولة هم رح تكدر تخلي هاي الميزة في حال تريد KYC من زبائنك رح يكدرون يسجلون بالايميل بدون ميشاركون اي داتا عن طريق سيرفرك او جانبك وتتحمل قانونياً هذه المسوؤلية مال حفظ مستمسكاتهم (غلسوا على هذه جزء بالعراق مامشمول بهيج تطور)..

‌من ناحية الحماية او الية العمل الايميل هذه لازم تعرف انه تختلف قوانينه من بنك لثاني فيسبوك تسجيل الدخول وبعد ان بحثت عن حواليه طلع ان اغلب البنوك تحظر ال SMTP port (Outgoing Messages) اي بمعنى متكدر ترسل ايميل (اعتقد مو متاكد) يمكن حتى لا تقل جودة الدومين بالسبام والك حق بالاستلام فقط عن طريق بروتوكول الPOP3 اللي يخليك تفتح الايميل من خلال جهاز واحد فقط والايبي لازم يكون نفس الايبي المسجل بحسابك البنكي لما تفتحه.. اكو تعليقات تكول بمنتدى BHS ان هناك موظف يتابع كل الايميلات تجيك في حال اكو نصب او شخص يريد يسرقك او شخص دازلك عقد ويريد بنك يكون وسيط. يمكن هالطريقة تتجاوز سالفة الخصوصية لكن هو من اسمه (ديكلك اني خدمة بريد إلكتروني بدائرة مغلقة ذات صلاحية مشروعة).

بالنهاية فقط لازم تعرف ان هذا الايميل ميكون مجاني غالباً يكون بفلوس واللي عدهم بنوك طاكَه او ارقام عالية بلبنك اكيد يجيهم بلاش لحمايتهم.. علماً ان هذه الايميل تستخدمه مو حتى تشترك بنتفلكس او سبوتفاي وانما بالامور الرسمية فقط بايبال بلوكتشين منصات الاستثمار والامور بيها فلوس وغيرها من منصات المالية اعتقد هي مناسبة الها والظاهر ان شركات السكيورتي الخاصة بلبنوك اكتشفت ان هاي افضل حل لحماية رجال الاعمال وفلوسهم.. واذا تسالني عن افضل بنكين يقدم هالخدمة ف ماعندي تجربة شخصية بيهن للاسف لكن حسب النتائج Bank Of America و garanti bbva هنه افضل بنكين يتمتعون بمزاية كثيرة..

اسف عالاطالة ودمتم سالمين في حفظ البرايفسي.

بعيدا عن الناحية العلمية ومناهج TOEFL / IELTS الاكاديمية سانصحك بطرق مسلية لتعلم الانجليزية بسهولة مع الوقت.

صفحة الكاتب رامي

‌◄ في البداية 90% لن يكون لك الحافز الكافي على البدء من الصفر خصوصاً ان كنت في مرحلة متقدمة من عمرك لذلك ولتشجيعك ابداء باستخدام تطبيق Duolingo و Memrise و Busuu

هذه الثلاث تطبيقات ستساعدك بشكل مسلي على تعلم اللغة والكلمات والقواعد تحتوي على العربية والانجليزية وبقية لغات العالم. (للاسف اغلبها شبه مدفوعة لذلك قد يعد هذه منشور اعلان لهم.) لكن بكل الاحوال هذه التطبيقات قد تشجعك بشكل مسلي على تعلم الانجليزية.

‌‌◄ ابداء باستخدام تطبيق ABAEnglish الذي سيساعدك كثيراً بتعلم اللغة حيث انه يقوم بتلقينك المعلومة بشكل مسلي عن طريق الافلام والمسلسلات والمشاهد القصيرة. هذه البرنامج سوف يساعدك كثيرا على التعود بتعلم الكلمات واللغة من خلال مشاهدة الاعمال  الاجنبية حيث سيقوم هذه البرنامج بعرض لقطات من اعمال مشهورة ثم يقوم بامتحانك بشكل مسلي عن النص المذكور في المشهد السابق سوف تكسب بشكل مزدوج الاول سوف تتعلم اللغة وثانيا سوف تكسب المعلومات والمشاهد الفنية والتاريخية التي ستذكر.

‌‌◄ جرب مشاهدة الافلام والمسلسلات باللغة الانجليزية صوت و ترجمة. لقد قمت بتجربة انني اذا شاهدت فيلم مسبقاً بالترجمة العربي ثم عاودت مشاهدته بالترجمة الانجليزية سوف اركز كثيراً على تعلم اللغة بدل الاحداث لانني شاهدتها مسبقاً خصوصاً اذا كان العمل مهم بالنسبة لك يوجد جمل انجليزية كثيرة سوفت تبقى ببالك بسبب المشاهد مثل “Say My Name 😡” في البداية وبشكل رسمي أنصحك بمنصة نتفليكس سوف تكون مناسبة جداً لذلك لانك تستطيع التبديل بين الترجمة والدبلجة لاغلب اللغات بعدها تستطيع التحويل الى منصة الانجليزية فقط وبالتاكيد سانصحك ب Hulu. ولانها مدفوعة وقانونية عليك الحصول على اشتراك مدفوع (اعلان) تستطيع الحصول على اشتراك رخيص من خلال الوكيل العربي – Arab Reseller (أو) من خلال كوبونات عروض نتفلكس التي تنشر بشكل متقطع مجانا على سيرفرات وتجمعات برنامج  Discord تحت راية الـGiveaway.

‌‌◄ ادخل الى جروبات العرب لتعلم الانجليزية عبر فيسبوك وتيليجرام ودسكورد تابع اسئلتهم وشارك في مسابقاتهم. ثم انضم الى منتديات الانجليزية حسب اختصاصتك لتختلط بشكل اكبر معهم. تذكر بان هناك تجمعات كبيرة وكثير جداً لتعلم الانجليزية وتذكر هناك طريقة سلسة تستطيع تجربتها حسب رغبتك (جرب) الانضمام الى الجروبات الانكليزية لتعلم العربية وحاول مساعدة الطلاب الاجانب مِن مَن هم يريدون تعلم العربية سوف تلاحظ بانك نجحت بالاختلاط مع الاجانب لانك سوف تحاول ان تتحدث معهم بالانجليزية وهم سيحاولون ان يتحدثون بالعربية بالاضافة لذلك سوف يكون هناك حافز او مواضيع تفتح من الطرفيين وسيكون لك اجابة عليها 100% مثل ان يسالوك عن بلدك او عن كلمات عربية بلهجة محلية فلن تواجه مشاكل ان كانت لديك الرغبة الفعلية بتعلم هذه اللغة الرائعة والتي ستكون مفتاحك للتواصل بمعظم دول العالم.

——–

أمور اضافية استخدمها بشكل شخصي قد تكون غير ضرورية لغيري لككن سأذكرها…

‌- عند النوم انت بحاجة للاسترخاء الذهني ليساعدك على النوم بعمق على امل ان تستيقظ بشكل أفضل أنا سابقاً كنت استخدم برنامج سبوتفاي للاستماع للموسيقى الهادئة لكن هو برنامج أغاني غير مختص بهذه الاعمال لذلك بعدها حولت على برنامج Brain.fm وهو برنامج اختصاص بالFocus sound واخراً ثبتت على استخدم تطبيق CALM هذه التطبيق يحتوي على كورسات وبودكاستات من قبل أطباء مختصين مدموجة بالصوتيات Meditation and Sleep عند النوم تستطيع تشغيله سوف يتحدث معك صوت لطيف نقي وخفيف بخلفية موسيقى حسب المود الذي تريده سيساعدك الامر على التشجع لتعلم الإنجليزية لتعرف ما لذي يقوله هذه الصوت اللطيف عند التحدث اليك. ( لا تستخدم سماعات الراس ابدا ابدا قد تسبب لك مشاكل في الاذن الوسطى الحل الأمثل للاستماع والنوم هو نظام يطلق عليه (سستم صوت المسرح منزلي مثل Sony BDV-N9200W) يتكون من 4-6 قطع تتوزع بشكل متوازي على زواية الغرفة تقنيتها سوف تتفاعل تطبيقات CALM مع هذه النوع من السماعات ولن تواجه مشاكل بخصوص علو الصوت. (سابقاً كانت لدي نظرة بان هذه الامور مجرد صرف زائد او اشياء تافهة لكن تغيرت نظرتي بعد التجربة والتعود على الامر وصرت انصح الجميع لافادتهم).

‌‌‌كل ماذكر من خدمات مدفوعة تستطيع الحصول عليها بسعر رخيص او مجانا من منتديات القرصنة او البرايفت نتورك لكن لم يتم ذكر الموضوع لان التعليق منشور بشكل رسمي كاجابة على منصة Quora العربية.

أعلان: انطلقت منذ فترة منصة ar.quora.com باللغة العربية لتدعم الشرق الاوسط اذا كانت لديك المعلومات اللازمة لافادة الاخريين والوقت ساعدنا باثراء المحتوى العربي من خلال تقديم اجوبة مفيدة لكل الاسئلة المطروحة بالمنصة بالعربية او الانجليزية…

رامي.