الترويج في فس عن طريق ا لموبايل والحاسبة

مرحباً شباب, لاحظت أغلب المروجين يرجون  فس من خلال الموبايل وهذا أكبر خطأ لان كاعد تضيع فلوسك بلاش

تكدر توصل لنفس النتائج بسعر أقل بعشرات المرات إذا روجت من خلال الحاسبة على فيسبوك بزنس

فيسبوك بزنس راح يسمحلك تصنع جمهور الهم نفس مواصفات الأشخاص الي تفاعلوا وي صفحتك أو منشورك أو قاموا بعملية شراء وبهاي الطريقة راح يكون الإستهداف جداً دقيق

وكل ماكان الإستهداف صحيح ودقيق أكثر كل مايكون الإعلان أرخص أكثر

إذا تلاحظون الإعلانات بدت تصير أغلى شوي شوي لان المنافسة جاي تزيد على نفس الجمهور وقليلين يستهدفون بصورة دقيقة يعني إذا استخدمت فيسبوك بزنس وروجت للجمهور الصح راح تكون عندك الأفضلية على باقي المروجين

بنفس الوقت فيسبوك بزنس يوفرلك طرق تحليل عديدة تكدر من خلالهة تعرف الكثير من المعلومات عن الجمهور الي تحاول تستهدفهم مثل الصفحات الي يتابعوهة ومجال أعمالهم

من غير إمكانية التجربة والتحسين للحملات الإعلانية بحيث تكدر تصنع حملة تحتوى على أكثر من 10 إعلانات وتتنظمهة بحيث يشتغل أكثر إعلان كاعد يجيب نتائج ويطفي الإعلانات الباقية بشكل تلقائي حتة ما يصرف فلوسك بدون مقابل

لهذا ضروري تتعلم شلون تروج من خلال الحاسبة على فيسبوك بزنس وأي شخص يكلك الموبايل يجيب نتائج زينة فهذا ماعندة أي خبرة بالترويج على فيسبوك .. والتوفيق للجميع

 

اترك تعليقاً

لن يتم نشر عنوان بريدك الإلكتروني.